سموا بالله كده كده وخليكوا معايا واحد واحد...
خلينا نتفق الاول
إن موضوع الجواز والعرسان وتأخر الجواز ده موضوع
حساس جدا..
وصعب جدا انكم تلاقوا حد بيتكلم فيه بصراحه..
خصوصا بالنسبه للبنات.. لأن اللي بيتكلم فيه بصراحه
يا أما بينظرو لها على انها
قليلة ادب وتربايه..
يا أما مسروعةعلى الجواز..
ويا أما إنها بارت في بيت أهلها ومش راضي حد يتجوزها
عشان كده تلاقوا البنا ت كتيييير بتقول :
*جواز ايه بلا نيله.. يعني هما اللي اتجوزوا خدو إيه غير الهم والغم
*انا قاعده بيت ابويا معززه مكرمه, إيه اللي يخليني اروح واتبهدل مع حد ماعرفهوووش
*انا مابفكرش في الجواز دلوقتي, حابني مستقبلي الاول
إضافة إلى الجملة المستهلكة في كل الأفلام والراويات العربية:
*لما أحقق ذاتي!
مش عارفه ايه ذاتها دي,وتحققها أزاي يعني!؟
يمكن في بنات كتير لهم طموح في دراستهم وفي شغلهم .. لكن اتحدى اي وحده فيهم
مايكونش طموحها الاول انها تبقى زوجه.. على الاقل لأن دي الطريقه الوحيده اللي
تخليه تبقى ام.
نتفق بقى على اسس تانيه مهمه:
*عدد البنات في العالم العربي اكبر من عدد الرجاله
دي نقطه اساسيه مش عاوزه منقاشه..
وسيبوكم من احصائيات بعض الحكومات العربية
اللي بتقول إن عدد الاثنين زي بعض..
لان دي عامله بالضبط زي درجات الحراره
اللي بيعلونها في نشرات الاخبار..
يعني الناس تحلف بالطلاق إن درجة الحرارة فوق 48.
وبعدين
يطلع لينا بنشرات الاخبار مذيع يجيب الغم يقول إن الجو عليل (عليل تحت المكيف بس!)
وان درجات الحرارة لم تتجاوز 38دررجة
نقطه تانية:
*أنتو ملاحظين معايا إن الرجالة بقو شايفين نفسهم حبتين وبيتكبرو على خلق الله من البنات
(يقعد لهم في عينهم وعافيتهم يارب)
وتشوفوا الراجل قاعد هو وأمه يتشرطوا..
لازم تبقى العروسة بيضا
وشعرها بني
وعينيها عسلي
وشبه اللي بيطلعوا في مسبقات ملكات الجمال!...
الله يخرب بيوتكم!..
.طب بص لنفسك ياخويا في المرايا الاول وبعدين اتكلم...
دا الوحده فينا يجيها اكتئاب مزمن لما تشوف وجوه بعض شباب اليومين دول
طب بذمتكوا البنات يعملوا ايه!؟
دا غير العداد اللي بيعد على البنت من أول ماتتخرج من الجامعة...
يعني البنت تعتبر بدأت رحلة العنوسة من اول ماتعدي عليها سنتين او ثلاثه بعد الجامعة... ..
بصراحة المشكله بالمجتمع المنيل اللي إحنا عايشين فيه, واللي بيقيم البنت بجوازتها,
واللي تتجوز بسرعة تبقى شاطره وذكيه
واللي تتأخر يبقى فيها عيب وتستحق الرحمة والشفقة والعطف
وعلى الجهة الثانية الراجل من حقه ينقي ويتشرط
وكأنه حيشتري شنطه من كاتالوج!.. .
وبعضهم بيعدي الاربعين
ومن حقه يتجوز في أي وقت وأي بنت عمرها 18 سنه!
المجتمع دا ظالم ومفتري!!!!
ولهذا قررت بعد اجتماع مطول ومغلق مع نفسي
إني اكتب في هذا الموضوع واشرحه
من كل جوانبه الممكنة
عشان اللي مش فاهم يفهم
واللي مش عارف يعرف
إن البنات غلابة والله
والضغط عليهم بيزيد كل يوم والناس بتحاكمهم على حاجة مالهمش يد فيها..
خليكم معايا في الحلقات الجاية لأني ها أحكيلكم على شوية رجالة بلاوي من اللي تقدموا لي
عشان تعرفوا احنا بنستحمل أد إيه
وسمّعونا الزغرودة يابناات
نقــلاً من مجلة حياة للفتيات
